ऋण निर्देश

      ऋण निर्देश 
खरेतर आवडेल मजसी ,सदा -सर्वदा आप्त -मित्र-परिवाराच्या ऋणात राहणे ,
त्या निमित्ताने अधून -मधून होत जाईल ,मधुर स्मृतीत डोकावणे ,
व्यवहारी जगात औपचारिकता ही असे आवश्यक मनाला मनांचा घेण्यास ठाव ,
सर्वांचे खूप खूप आभार ,केलात मजवरी आशिर्वाद आणी शुभेच्छांचा वर्षाव ,
नको आता भेट वस्तू ,समारंभ ,पण हवा हवासा वाटे सदा प्रेम -आपुलकीचा भाव ,
देवा एकच प्रार्थना तव चरणी ,श्वास आहे तोवरी ,लाभूदे  मजसी सन्मती -गती—भक्ती -शक्ती -कृती 
स्वावलंबनाचा  सदा सराव . 

राधा

 

                          राधा 
प्रवाहा बरोबर वाहणारी ‘ ती ‘धारा ,पण विरुद्ध वाहणारी’ ती ’राधा ,
तो आराध्य ,ती आराधना ,लोकनिंदा नाही आणू शकली विशुद्ध प्रेमात किंचित ही बाधा ,
श्रीकृष्णाची पराकोटीची ‘आराधना ‘करणारी ,म्हणून झाली ती राधा ,
जिवा -शिवाच्या मिलनाची रूपे किती अलौकिक - अनआकलनीय -विविधा ,
संत सांगती रुचेल पचेल तो मार्ग निवडून ,जीवनाचे अंतिम ध्येय मात्र साधा ,
लक्ष्मी -केशव ,गौरी शंकर ,सियाराम ,राधेश्याम ,
धन्य धन्य ते रूप शक्तीचे ,शिवाच्या आधी घेतले जाते तिचे नाम .