|| घरकुल -----पूर्वीचे ||

घर पहावे बांधून ,लग्न बघावे करून अवघड होती कामगिरी ,
स्वयंपाक घर ,देवघर माजघर ,एखादी खोली माडीवरी
गरजू आणि होतकरु एखादा तरी माधुकरी ,
आला-गेला आगन्तुकाचे स्वागत करी ओसरी ,
आज्जी -आबा ,आई -बाबा ,काका -मामा जपली जात मैत्री ,
चुलत -मावस -मामे आत्ते भावंडे तर कितीतरी ,
साधे सात्विक वेळेवर जेवण सांज -सकाळ पंगती वरी ,
घरात शिजेल ते सर्वांनी खायचे ,वरण -भात ,भाजी अन भाकरी ,
सणावारी आवडीचे ,वडे -भजी ,श्रीखंड -पुरी ,

दाटीवाटीने झोपुन सुद्धा झोप होत शांत पुरी ,
एकमेकांची बुकं -कपडे ,वापरत असत शाळकरी ,
मुले बघता बघता मोठी होत ,कोणी व्यापारी -शेतकरी तर कोणी करत नोकरी ,
सण वार ,लग्न कार्य ,दुखल -खुपलं ,सर्वांची असे जवाबदारी ,
पैसा कमी असून समृद्धि कशी ?कारण दडपण नसे मनावरी ,
मानले तर सुख ,नाहीतर रडगाणे अन कुरबुरी