टाळी आणि टिचकी
मित्र -आप्त -कैवारी ,नातलग शुभचिंतक शेजारी ,
ओळख नसताना प्रवासात ही भेटतात मदतीचा हात देणारी ,
अडी -अडचणीत पाठीशी उभी राहणारी ,
नाती असावीत टिकणारी ,नसावीत बारिक -सारिक कारणाने तुटणारी ,
लग्न -कार्य -समारंभ हवीहविशी वाटणारी ,बारसे असोवा बारावा दिवसाची दखल घेणारी ,
इंटरनेट च्या जमान्यात सोशल साईट्स वर वरचे वर भेटणारी ,
अधून-मधून जाणीव पूर्वक प्रत्यक्ष किंवा फोनवर सहज संवाद साधणारी ,
तोडणे असते सोपे ,जोडणे अवघड ,ही म्हण अगदी खरी ,
पण शेवटी 'टाळी 'असते दोन्ही हाताने वाजणारी ,
एका हाताची वाजते टिचकी ,चुटकी सरशी विरणारी .
कोणत्याही टिप्पण्या नाहीत:
टिप्पणी पोस्ट करा