आयुष्य

                        आयुष्य 
आयुष्य दाराचीये कडी ,जिवा नीट पाहून दार उघडी ,
आयुष्य पायाचिये बेडी ,भक्ती भावाची मार रे हतोडी ,
आयुष्य अंगरखा कापडी ,कारे कुकर्माचे डाग पाडी ,
आयुष्य जरतारी तलम साडी ,नाही नेसली तरी उभी जाते घडी ,
येथे क्रोध आगितली उडी ,राख होऊनि विवेकाची ,चोहू बाजूने उडी ,
वासना अथांग सागरातील बुडी ,बुडणारा अन हात देणारा दोघांना घेऊन बुडी ,
आयुष्य दुर्वांची जुडी ,ताज्या फुलांची पुडी ,वेळ राहता वाहण्यासी तू ती उघडी ,
आयुष्य पंच पक्वानांची गोडी (पंचेंद्रियं )ताटात नैवेद्याच्या ठेवूनि तुळशीपत्र शोभते केवढी ?