प्रेरणा स्रोत
नितळ कोमल गुलाबाला काटेरी फांद्यांचे संरक्षणच वाटते ,
लाजाळूचे रोपटे सहज स्पर्शाने मिटते ,पण मागचे विसरुन लवकर पूर्वपदावर येते ,
दलदलीत जन्मून कमलपत्र स्वच्छ असते अन पुष्प गुणांमुळे देवांना प्रिय असते ,
प्राजक्ताचे फूल इतरांच्या आनंदा साठी जन्मल्या जन्मल्या झाडाशी नाळ तोडते ,
वटवृक्षाची पारंबी वादळात ही आनंदाने झुलते ,पुन्हा मूळरूपात जाऊन झाडाचा आधार देते ,
प्रवास सफल कराया नौका लाटांचा मार अन हेलकावे सोसते ,
कुणाकडून काय शिकावे हे ज्याच्या त्याच्या हातात असते .......
कोणत्याही टिप्पण्या नाहीत:
टिप्पणी पोस्ट करा