सत्यम शिवम सुंदरम
जग कितीही पुढे गेलेतरी ,जन्म -मरण देवाच्या हाती ,
भ्रूण असो वा इतर हत्या ,माणुसकीला कलंकित करिती ,
आत्महत्या तर पळपुटेपणा ,वरदान स्वरूप जीवनाची माती ,
चतुःपुरुषार्थाने फुलवावे कुटुम्ब -समाज -संस्कृती ,
तीत रंग -सुगंधाची उधळण करत असते प्रकृती ,
काटेकोर रेषांनी आकाराला येते तीतर असते भूमिती ,
अलौकिक आनंद देते चित्रकाराची लवचिकता अन रंग -संगती ,
सोपे असते वाईट वर्तन जेंव्हा प्रबल होते अविवेकी मती ,
विवेक अन आनंदाने परिस्थितीला सामोरे जाऊन समजते ,जग सत्य शिव सुंदर किती ?
कोणत्याही टिप्पण्या नाहीत:
टिप्पणी पोस्ट करा