बाळाचे आगमन -बोबडी बडबड

        बाळाचे आगमन -बोबडी बडबड 
कधी भासे सावळा -शामल ,जणू उमलले नीलकमल ,
भासे कधी गोरे गोरे तुझे तन ,केतकीचे सुंदर बन ,
कुरळे काळे केस गुंफले ,जणू नभी ढग दाटले ,
निळे डोळे जणू सागर ,भुवया जणू कमान चढविली क्षितिजावर 
गोल गुबऱ्या गालावर ,खळी जणू चंद्र -विवर ,
इवले इवले तुझे कर ,स्पर्श होता फुटे पाझर ,
सोनियाच्या पावलांनी झाले तुझे आगमन ,
घर -दार फुलून गेले ,जणू काही नंदनवन ,
गालातील गोड हसू आणि तुझी जांभई ,
सुख आता ठेवू कुठे ,विचार करिती नंद आणि यशोदा माई .