Smaranat rahilela prawas m.ta.Pune

बिना तिकिट एका आखाती देशाचा प्रवास 
प्रवासाची आवड आणि मुले परदेशात असल्याने देश -परदेशातील भरपूर प्रवास झाला आहे . लालपरी पासून सर्व चारचाकी ,दुचाकी ,रेल्वे ,पाण्यावरून ,पाण्याखालून ,हवेत म्हणाल तर हेलिकॉप्टर -विमान अश्या वाहनातून भरपूर आंबट-गोड-कडू अनुभव युक्त प्रवास केले आहेत . 
   मार्च २००५ची गोष्ट आहे ,बहुदा मी कुवेत एअर लाईन ने शिकागो -मुंबई प्रवास करीत होते युरोप मध्ये जिनेव्हा ला टेकनिकल हॉल्ट आणि पुढे कुवेत ला विमान बदलून मुंबई पर्यंत चा प्रवास होता . जीनिव्हाला हॅन्ड लगेज घेऊन गेट च्या आसन व्यवस्थे मध्ये सर्व प्रवासी थांबलो होतो . उड्डाणाची वेळ जवळ आली तरी काही सूचना मिळेना ,शेवटी अंऊन्समेंट झाली अति हिम वृष्टी मुळे विमान निघायला उशीर होत आहे .कृपया प्रवाश्यानी ठराविक स्विस फ्रॅंक ची फ्री कूपन घेऊन येथील फूड कोर्ट मधून पदार्थ घेऊन खाऊन-पिऊन घ्यावे आणि पुढील सूचना मिळे पर्यंत थांबावे . शाकाहारी वयोवृद्ध ,लहान मुले यांची तारांबळ उडाली ,त्यांची काही रक्कम नावडत्या पदार्थांमुळे वाया गेली . मी त्यांना सल्ला दिला उरलेल्या कुपन ने चॉकलेट मिल्क ,योगर्ट ,बिस्किट ,ज्युस , केक ,चिप्स  असे पदार्थ घ्या . शाकाहारी लोकांना आणि पोटातल्या कावळ्यांना कल्पना आवडली . पोटे शांत झाल्यावर दुसरी चिंता सतावू लागली  कि आपले कुवेत मुंबई विमान तर चुकणार नाही ना ?
  आमची चिंता खरी ठरली ,कुवेत ला मध्य रात्री पोहोचे पर्यंत मुंबई  चे विमान फ्लाय झाले होते ,आत २४ तासांनी पुढचे विमान होते . २-३तासांच्या धावपळी नंतर झालेला प्रकार घरी कळवायला एक फोन कार्ड मिळाले ,तरुण मुलांच्या मदतीने एकदाचा घरी निरोप पोहोचला . एअरपोर्ट ऍथॉरिटी ने सर्व प्रवाश्यांचे पासपोर्ट ठेऊन घेतले . २४तासांचा कुवेत व्हिसा ,शहराच्या मध्यभागी पंचतारांकित हॉटेल मध्ये राहण्या -जेवणाची सोय केली . वयोवृध्द ,लहान मुले सोबत असणाऱ्यांचे हाल झाले पण आम्ही काही सुटवंग सहप्रवासी हॉटेल लगत असलेल्या मॉल आणि गोल्डसुक मार्केट मध्ये २-३तास चक्कर मारून थोडे विंडो शॉपिंग करून आलो. ध्यानी मनी नसताना  झालेला कुवेत चा हा प्रवास कायम स्मरणात राहील . म्हणतात ना परिस्थिती बदलता येत नसेल तर मनस्थिती बदलावी तरच आनंद सापडतो . 
          आसावरी जोशी 
१चिंतामणी अपार्टमेंट ,कार्वेनगर ,पुणें -४११०५२
सेल नंबर -९६89390802

अर्चना चा सुवर्ण महोत्सवी वाढदिवस

अर्चना चा सुवर्ण महोत्सवी वाढदिवस 
अर्चना खूप खूप शुभेच्छा आणि आशिर्वाद आज तुझा वाढदिवस सोनेरी ,
वर्षे उलटली पन्नास ,मातृत्वाचे अमूल्य दान देवाजीने दिले माझ्या पदरी ,
विनय ची साथ म्हणजे शीतल वट  वृक्षाची छाया ,प्राणवायु ची झुळुक देणारी ,
ईशा -अनिका ,श्वास -उश्वास ,सूर -ताल ,गती -विश्रांती ,अर्थ लाभला तव संसारी ,
कष्ट ,नियोजन,व्यवस्थापन ,जनसंपर्क आणि देवा कडून मिळालेली हुशारी ,
संसार ,समाजसेवा ,व्यवसाय ,अर्थ ,परमार्थ साधत घेत रहा तू उंच भरारी ,
आप्त -मित्र-परिवाराच्या सोबतीने सफल होवो सुवर्ण ,हीरक ,अमृत अन शतकी वारी ,
लाभो तुजसी आयु -आरोग्य-सुख-समृद्धी-समाधान हीच प्रार्थना करते माते जोगेश्वरी . 
                                                                                आई 

जयंत बापट -अण्णा-पंचाहत्तरी-अमृतमहोत्सव समारंभ

 

जयंत बापट -अण्णा-पंचाहत्तरी-अमृतमहोत्सव समारंभ 
उगविला सोनियाचा दिन ,अण्णा तुला पंचाहत्तरी निमित्त खूप खूप शुभेच्छा श्री चरणी जोडोनिया हात ,
भेसोदामंडी ,उज्जैन ,पुणे ,मुंबई ,बहारिन मधील सुंदर क्षणांची तरळली ”यादोंकी बारात ”
जयाची लाभली सुंदर साथ ,तुम्ही उभयता जणू ,चांद आणि रात -दिवा आणि वात ,
समीर -सुदीप च्या रूपाने उगवले सूर्य -चंद्र ,जया -जयंत च्या नभांगणात ,
सुना -नातींचे प्रेम आणि पाठबळ जणू अंबे अष्टभुजेचे आश्वासक हात ,
आप्त -मित्र-परिवार शिंपडती सडा अमृताचा ,वानप्रस्थ ते शतायुषी प्रवासात ,
विनयशीलता ,प्रसिद्धी परामुख चिकाटी आणि कष्टाने कमावलेस अर्थ -परमार्थ ,देश -परदेशात ,
व्याडेश्वर कृपेने उभयतांसी लाभो चिरायुष्य -आरोग्य अन होत राहो सुख-समाधानाची बरसात . 
          आसावरी जोशी (शकू ) आणि कुटुंबीय 

 रोहन -ऋचा विवाह 

रोहन -ऋचाची गाठ देवानेच बांधली ,
नावातील आद्याक्षरे बघा कशी सहजी जुळली ,
खाडिलकर -घाणेकर दोन कुटुंबे एकत्र आली जोडूनिया ‘कर ’
देवाजी जवळ सुखी संसाराचा आशिर्वाद मागती उभयता वधू -वर ,
संकट असो वा सुख ,मातू नये उतू नये ,प्रचिती येते वरचे वर ,
म्हणून तर बसते श्रद्धा त्या अनंत अज्ञात शक्तीवर ,
अतुलनीय सुवर्ण योग आला जुळुनी ,त्या निमित्त  दोन्ही परिवारास अभिनंदन आणि खूप खूप शुभेच्छा ,
श्री कृपेने पुऱ्या होवोत आपल्या कुटुंबाच्या सर्व इच्छा . 
                                                                    आसावरी जोशी 

Passion fruit

बहुगुणी पॅशन फ्रुट 
माझ्या परस बागेत अंबा -अननस-संत्र्याचा स्वाद-सुगंध घेऊन फुलला पॅशन फ्रुट चा वेल ,
करा सरबत -जॅम-जेली-केक-इसक्रीम-फ्रुट सॅलड ,शरीरा सोबत त्वचेचे आरोग्य ही सुधारेल ,
मोठ्या लिंबा एवढा आकार ,बहु बीजावर चिकटलेला पिवळा आंबट गर ,जाडसर असते फळाचे शेल ,
शेती ,कॅनींग ,तारांकित हॉटेल्स ना पुरवठा ,अश्या  अनेक स्टार्टअप ना जन्म देऊ शकेल ,
जास्तीची माहिती हवी असल्यास आपला गुगल गुरु आहेच ,सोबतीला अनुभव ही बरेच काही शिकवेल ,
कृष्ण कमळाशी फुला पानांचे साधर्म्य म्हणून झाले’ कृष्ण फळ ‘ परदेशी असून भारत देशी आनंदाने रुजेल .

विलास सहस्त्रबुद्धे -पंचाहत्तरी समारंभ

विलास सहस्त्रबुद्धे -पंचाहत्तरी समारंभ 
उगवला सोनियाचा दिन ,खूप खूप शुभेच्छा विलास आज तुझी पंचाहत्तरी ,
आप्त -मित्र-कुटुंबियांशी सदा असतोस कनेक्ट ,मदतीला तयार सर्वतोपरी ,
कॅरम मध्ये स्पर्धक ,शिक्षक ,परीक्षक ,मानाची पारितोषिके अन पदे भूषविलीस कितीतरी ,
कर्म योगाला सुंदर साथ अष्टांग योगाची ,शुभाशीष देती लक्ष्मी अन वागेश्वरी ,
तव जीवन संगीतात विलसती वीणेची अलौकिक माधुरी ,
वानप्रस्था कडून  शताब्दी कडे निघाली अमृत महोत्सवी वारी ,
सुना -मुले-नातवंडे -आप्तांचे सुख सदा बहरो तुमच्या दारी ,
लाभो आयु -आरोग्य-सुख-समाधान,परमेश्वराचे आशिर्वाद असूदे उभयतांच्या शिरी . 
                                                                 आसावरी जोशी

ऋण निर्देश

      ऋण निर्देश 
खरेतर आवडेल मजसी ,सदा -सर्वदा आप्त -मित्र-परिवाराच्या ऋणात राहणे ,
त्या निमित्ताने अधून -मधून होत जाईल ,मधुर स्मृतीत डोकावणे ,
व्यवहारी जगात औपचारिकता ही असे आवश्यक मनाला मनांचा घेण्यास ठाव ,
सर्वांचे खूप खूप आभार ,केलात मजवरी आशिर्वाद आणी शुभेच्छांचा वर्षाव ,
नको आता भेट वस्तू ,समारंभ ,पण हवा हवासा वाटे सदा प्रेम -आपुलकीचा भाव ,
देवा एकच प्रार्थना तव चरणी ,श्वास आहे तोवरी ,लाभूदे  मजसी सन्मती -गती—भक्ती -शक्ती -कृती 
स्वावलंबनाचा  सदा सराव .