माय मराठी राज्यभाषा दिन

 माय मराठी राज्यभाषा दिन 

उत्तमच असते माय -राज्य -राष्ट्रभाषे सोबत ,अंतराष्ट्रीय भाषेचे असणे ज्ञान ,

सशक्त संयुक्त कुटुंबात जरी एकच असतो प्रमुख ,पण इतरांनाही द्यायचा असतो योग्यतो मान -सन्मान ,

कुसुमाग्रजांना मानाचा मुजरा देऊन ,वाढली मराठीची आन -बान -शान ,

उदरात कानी पडलेल्या मायभाषेला ,सहाजिकच असते वरचे स्थान ,

भाग्यवान आपण महाराष्ट्रवासी , येथे मराठीला लाभला मातृ भाषा अन राज्य भाषा असा दुहेरी मुकुटाचा मान ,

भाषा मनीचे पोहोचविते कानी ,दोन बाजूंना जोडणारी एक लवचिक कमान ,

भाषा आपुली शास्त्रीय ,सुसंस्कृत ,समृद्ध ,पदरी आपुल्या थोर साहित्यिक -कवि -संतांचे दान ,

भाषेवरुन नको भांडण -तंटा ,ती तर एक साधन ,मोजते मनीचे उधाण ,

अभिजात ,पुरोगामी म्हणून पेलू शकते ,कालमानाने ,काही कोसाने आलेल्या योग्यत्या बदलांचे आव्हान ,

तिच्या चिर आयुष्य -आरोग्या साठी करूया ,परमेश्वराचे निःशब्द ध्यान .

       आसावरी जोशी

कोलंबस मराठी शाळेचा रौप्य मोहोत्सव

 कोलंबस मराठी शाळेचा रौप्य मोहोत्सव 

शिक्षण -नोकरी निमित्त जावे लागते साता समुद्रा पार ,
पण जात नाही मातृभूमि अन मातृभाषेचा विचार ,
पुढील पिढीचा परदेशात जात असतो बालपणी पासूनचा खूप मोठा काळ ,
पण मातृ भाषा त्यांचीही जोडून ठेवते मातृभूमीशी अन संस्कृतीशी नाळ ,
चांगलेच असते बहुभाषांचे ज्ञान ,
पण मातृभाषेला असावा सर्वोच्च मान ,
साहित्य -कला ,सणवार ,आचार -विचार प्रत्येक संस्कृतीचे महत्वाचे अंग ,
प्रत्येक संस्काराला हवाच मातृभाषेचा संग ,
अमेरिकेच्या मुक्कामात मी कोलम्बस मराठी शाळेचे जवळून पाहिले आहे उत्तम काम ,
प्रगतीच्या अफाट वारूला शाळा घालत असते सुसंस्कारांची लगाम ,
कार्यकारिणी सदस्य ,आजी माजी शिक्षक आणि विध्यार्थानांचे अभिनंदन आणि सलाम ,
रौप्यमहोत्सवा निमित्त कोलंबस मराठी शाळेला खूप खूप शुभेच्छा ,
शाळेच्या वटवृक्षाचा विस्तार वाढो अन अनेकांना संस्कारित ज्ञानाच्या 
प्राणवायु  अन शीतल छायेचा लाभ लाभो हीच ईश्वर चरणी इच्छा .
आसावरी जोशी -शुभम मुक्ताची आज्जी 

Radio Sadrikaran

 रेडिओ ९०.४ सादरीकरण

मी योगासन प्राणायाम बरेच वर्ष करत होते त्या बरोबर  पार्किन्सन उपयुक्त व्यायाम प्रकार यू ट्यूब वर बघून करायला सुरुवात केली .उलटे चालणे , हाताचा  आधार न घेता खुर्ची वरून उठ बस करणे ,आवाजाचा पोत चांगला राहावा  आणि घरात सकारात्मक ऊर्जा पसरावी या साठी स्तोत्रे  मोठ्या  आवाजात म्हणणे उलटे अंक मोजणे ,रोज हाताने थोडे तरी लेखन  करणे  चालू ठेवले .स्वयं पाकात म्हणाल तर पोळी भाजी ऐवजी भाज्या घालून थालीपीठ व्हेज पुलाव  असे प्रकार  वरचे वर व्हायला लागले .बाई किंवा डबा हा पर्याय  शेवटाला .शिवण सफाईदार आले नाही तरी चालू ठेवले आहे .व्यस्त असल्यावर ट्रेमर्स चे प्रमाण थोडे कमी असते असे  अनुभवास आले .आठवड्यात  दोन दिवस मुलाकडे  जाते तेव्हा नातवा बरोबर भेंड्या  पत्ते खेळणं ,त्याला त्याला हिंदी,मराठी संस्कृत स्तोत्रे  शिकवणे चालू,भटकायला नेणे असा टाईम पास चालू  असतो .

क्षमा ताई चे पार्किन्सन वर बोलू काही  पुस्तक वाचण्यात आले त्यात पीडी सपोर्ट ग्रुप ची माहिती कळली त्यांच्या कडून मृदुला ताई आणि शोभना ताई चा नंबर  मिळाला त्यांना संपर्क साधला आणि दोनच दिवसात मी  या  ग्रुप शी जोडले गेले .

     सपोर्ट ग्रुप शी जोडली गेल्या मुळे मला एक प्रेमळ आणि अनेक पातळ्या वर आधार देणारे एक मोठे कुटुंबच  मिळाले .मनात  सकारात्मक ऊर्जेचा झरा  वाहू लागला .म्हणतात  ना “मन चंगा तो  कठो ती  मैं गंगा “

    मी  मंडळावर केलेली  एक छोटीशी कविता म्हणू  शकतें का

म्हणतात  ना उजव्या हाताने केलेले कार्य कळू नये डाव्या हाताला ,

ना अर्थाजन ना प्रसिद्धीची हाव ,खरे समाज कार्य म्हणतात याला ,

शुभार्थी -शुभंकर साठी किती तरी सभा संमेलने अन धावा धाव ,

तरी वागण्यात असतो सदा विनम्र भाव ,

येथे मिळते तज्ञा  कडून पीडी विषयीचे शास्त्रीय आणि अनुभवलेले ज्ञान ,

धोक्यांपासून सावध होता येते ,आणि आजाराच्या स्वीकृतीचे लौकर येते भान ,

शुभार्थीना  मासिक सभेतून गवसे आनंदी सकारात्मक ऊर्जा आणि संस्थे च्या मार्गदर्शनाचा वाटे मोठाआधार ,

त्या साठी संस्था आणि सर्व कार्यकर्त्यांचे खूप खूप आभार .

          आसावरी जोशी

May flower

मे फ्लॉवर ,फायर बॉल नाव सार्थक करते ,
रंग ,आकार ,मंद -मंद सुगंध मोहिनी घालते ,
टिकाऊपणा अन नेमाने येणे जाणे असते ,
मध रसाळ गोळा करण्यासी मधुमक्षिका घोंघावते ,
वर्षातून एकदाची फुलुनी ,जन्म सार्थकी लावणे म्हणजे काय ते शिकवते ,
निसर्गाच्या किमये पुढे कर जोडुनी मी नतमस्तक होते .
आसावरी जोशी .

पार्किन्सन सपोर्ट ग्रुप सदस्यांचे कार्य

म्हणतात  ना उजव्या हाताने केलेले कार्य कळू नये डाव्या हाताला ,

ना अर्थाजन ना प्रसिद्धीची हाव ,खरे समाज कार्य म्हणतात याला ,

शुभार्थी -शुभंकर साठी किती तरी सभा संमेलने अन धावा धाव ,

तरी वागण्यात असतो सदा विनम्र भाव ,

येथे मिळते पीडी विषयीचे शास्त्रीय आणि अनुभवलेले ज्ञान ,

धोक्यांपासून सावध होता येते ,आणि आजाराच्या स्वीकृतीचे लौकर येते भान ,

शुभार्थीना  मासिक सभेतून गवसे आनंदी सकारात्मक ऊर्जा आणि संस्थे च्या मार्गदर्शनाचा वाटे मोठाआधार ,

त्या साठी संस्था आणि सर्व कार्यकर्त्यांचे खूप खूप आभार .

आसावरी जोशी 

शुभेच्छा पत्र -शामा च्या सत्तराव्या वाढदिवसा निमित्त

शुभेच्छा पत्र -शामा च्या सत्तराव्या वाढदिवसा निमित्त 
अडथळ्याची शर्यत खेळत पार केलीस दशके सात ,
नोकरी ,संसार ,पुढच्या मागच्या पिढी ची जवाबदारी ,पुन्हा सात च्या आत घरात ,
बुद्धी सोबत तुझ्या नियोजनपूर्ण कष्टाला द्यावीच लागेल दाद ,
ईश कृपेने मुले निघाली संस्कारी -गुणी ,सून -जावई नातवंडं करिती प्रेमाची बरसात ,
स्वतः सोबत इतरांनाही दिलासा कायम मदतीचा हात ,
ईश्वर चरणी एकच प्रार्थना लाभो तुजसी आयु -आरोग्य-सुख-समाधान सदैव जीवनात . 
  आसावरी जोशी 

नीता ढवळे एकसष्ठी शुभेच्छा

 

                नीता ढवळे एकसष्ठी शुभेच्छा 
कट्ट्या वरील भेटीं मुळे आपली मैत्री झाली छान ,
समाजकारण ,राजकारण ,रेसिपिज ,घरगुती औषधे यांची होत असते देवाण घेवाण ,
निखळ मैत्री ,आड येत नाही वय ,रुसवे फुगवे ,हेवेदावे ,मान अपमान ,
कारण प्रत्येकाच्या पदरी देव देतोच ना काही गुणांचे दान ,
नीता आमची उत्साही ,सुगरण ,उकडीचे मोदक ,मूंग हलव्याचे किती करू गुणगान ,
नीता -विनय एक नाण्याच्या दोन बाजू जणू देवा नेच दिलेले वरदान ,
मुलगी -जावई-नातू कर्तृत्ववान स्वाभिमानाने उभयतांची उंचावली आहे मान ,
वाढदिवासा निमित्त खूप खूप शुभेच्छा ,केलीस पूर्ण सहा दशकीं वारी ,
लाभो  तुजसी आयु आरोग्य ,सुख समाधान ,हीच प्रार्थना व्याडेश्वरा  अन देवी दुर्गेश्वरी . 

        आसावरी जोशी