।। संयुक्त कुटुम्ब ।।

लांब -आखूड केसांना सामावून घेते गुंफलेली वेणी,
एका धाग्याने बांधते माळ,छोटे - मोठे,रंगी -बेरंगी,ओघळलेले मणी,
छटा पांढरी चवही न्यारी न्यारी ,विविध गुणांच्या खाणी,
दुधापासुन दही -ताक -साय -खवा -तूप अन लोणी ,
कढवताना तुपाची कणी ,खरपुस बेरीला पण असतेच ना मागणी,
ताकाला हवाच आंबटपणा ,मस्त लागते आंबटसर चवीचे साखर -लोणी,
एकमेकांचे चांगले घेऊन ,मिळून मिसळून सदा असावे जसे दूध अन पाणी,
ज्याला -त्याला मान असावा ,हवी कशाला उणी - दुणी ,
संकट समयी चिंता येथे सतवत नाही ,अन आनंदासी उधाण येते ,येथे सुगीच्या सणी
कुटुंबाचाच स्वर्ग करावा ,खरा पाहिला स्वर्ग कुणी ,खरा पाहिला --------------?