--||आ +ई =आई ||--

----आ +ई =आई -------
आई म्हणजे आत्मा +धरणी वारील सगुण ईश्वर ,
आर -पार गोड जणू ,पंढरी शुभ्र खडिसाखर ,
चंदनाचे खोड झिजून ,सुवास पसरे घरभर ,
भरती -ओहोटी ,नदी-नाले ,तिच्या ठायी अथांग सागर ,
उन्हालाही देई सावली ,मऊ ऊबदार तिचा पदर ,
पुरणार नाहित कवनातील नुसते भाव ओंजळभर ,
अधून -मधून प्रत्येकाने आई व्हावे ,माया पाखडावी सूपभर ,
नाते -गोते नसतानाही ,ऐकू येते ज्यांना क्रन्दन ,
मदर टेरेसा ,सिंधूताई ,फुले -कर्वे -आमटेंच्या मातृत्वाला साष्टांग -वन्दन 
देवकी पोटी जन्म घेउनि ,कृष्ण झाला यशोदेचा नंद -नंदन .