प्रेम -भाग २
फक्त गरज म्हणून गाठ बांधतात ,सोय म्हणून सहज सोडतात ते प्रेम नसते ,
वादळाच्या हिंदोळ्यात सुद्धा घट्ट पकड असणारे प्रेम असते ,
तनाच्या बँकेत ,मनाच्या लॉकर मधे सेफ ठेवतात ते प्रेम असते ,
एकदा का मोडले तर त्याला रिप्लेसमेंट नसते ,म्हणून ऍडजेस्टमेंट ची गरज असते ,
आंधळे असून सिक्सथ सेन्स ला दिसते ,ते प्रेम असते ,
वेड्यांच्या खोल मनात दडलेले शहाणपण प्रेम असते ,
शेवटल्या श्वासापर्यंत साथ देणारे खरे प्रेम असते ,
सहवासाच्या पलीकडील सह अनुभूति म्हणजे प्रेम असते ,
क्षमा ,तडजोड ,विश्वास ,ओलावा ,आधार युक्त प्रेम परिपूर्ण असते ,
क्षमा म्हणजे चुकीची पुनरावृत्ति करू देणे नव्हे ,तर सूड बुद्धीला तेथे जागा नसते ,
प्रेमाची निश्चित अशी परिभाषा नसते ,प्रत्येकाची अनुभूति वेगवेगळी असू शकते ,
पण तरी प्रेम म्हणजे प्रेम म्हणजे ,फक्त प्रेमच असते .
कोणत्याही टिप्पण्या नाहीत:
टिप्पणी पोस्ट करा