. मनाचे पान -स्वाभिमानाचे दान

.      मनाचे पान -स्वाभिमानाचे  दान 
भुकेल्याला चालतो खायला कोंडा ,अन झोप आलेल्याला झोपायला धोंडा ,
पण अपमान युक्त अन्न समजावे विषा समान ,त्याचा मिरवू नये झेंडा ,
भले चांदीच्या ताटा भोवती महिरप मोत्यांची मांडा ,
आपले काड्याकुड्यांचे घरटे बरे ,नको दुसऱ्यांचा सोन्याचा पिंजरा अन भोवती नोकरांचा तांडा . 
या उलट -काही लोकांना स्वाभिमानाचे करताना दान वाटते हुशारी ,
आयुष्यात उचलायचीच नाही शेवट पर्यंत कोणतीही जवाबदारी ,
फक्त आपल्या सुखाचीच घेत राहतात खबरदारी ,
उंच -उंच चढण्या साठी कुणालाही करायचे शिडी अन दोरी ,
एकाची टोपी दुसऱ्याच्या डोक्यावर ,दुसऱ्याची तिसऱ्यावर ,जमा -खर्चाच्या वहीत नुसती उधारी ,
स्वाभिमानाचे संपूर्ण दान देऊन ,होईनात का दिवाळखोरी .