अष्टांग योग

                        अष्टांग योग 
अष्टांगयोग म्हणजे मन-शरीर -आत्म्याची एकरूपता ,एक उत्तम जीवनशैली ,
यम -नियम म्हणजे समाजाने अन स्वतःने घातलेले नियम पाळावेत वेळोवेळी ,
समाज-राष्ट्र -विश्वाची शांति -प्रीति जपूया ,आपण सगळे पावलो-पावली ,
आसन -प्राणायामाने राहि नियंत्रित ,शरीर श्वासाच्या हालचाली ,
सूर्यनमस्कार सर्वांग सुंदर व्यायाम ,आसन -प्राणायाम -साधनेची सुंदर सांगड जमली ,
आहाराला समजावे पूर्णब्रह्म ,नसावे नुसते उदरभरणासाठी ,वदन कवली '
प्रत्याहारी अंगाने जिवा -शिवाच्या भेटीची ,वाट गवसली ,
धारणा -ध्यान मनःशांतीला पोषक ,साधना असुही शकते वेगवेगळी ,
समाधी हे अंतिम ध्येय गाठूनि ,खऱ्या योग्याला लागे ब्रम्हानंदी -टाळी ,
करुनि योगसाधना ,जपून ठेवूया निरामय जीवनाची गुरुकिल्ली ,
नमन असावे तव चरणी ,'योगसूत्रकार 'आदिमुनि पतंजली .