. पिकले पान (वृद्धाश्रम )

.                  पिकले पान (वृद्धाश्रम )
पिकल्या पानाला पुस्तकात ठेवताना कित्ती कित्ती विचार मनात येतात ,
काही जपली जातात ,काही पाचोळा म्हणून तुडवली जातात ,
काही चक्रीवादळात बेनाम होतात ,तर काही खत होऊन एखाद्या रोपट्याला पोसतात ,
पूर्वी बहरताना कित्येकांना तळपत्या उन्हात विसावा देताना दिसतात ,
कुशीतून उमललेल्या फुलांनी सुवासाची -रंगांची उधळण करतात ,
रसाळ -चविष्ट फळांनी विविध जिवांना तोषिवतात ,
जीवन-चक्र अबाधित ठेवायला कायकाय सोसतात !
ज्याचे -त्याचे नशीब उपभोग अन भोग हातात हात घालून चालतात ,
पण पालवीलाही कधीतरी पिकावेच लागते ,म्हणून काहींना तरी ठेवावे अलगद पुस्तकात .