जोडीदार

             जोडीदार 
घ्यायची असेल भरारी तुला उत्तुंग उंच ,
तुला देईन साथ मी बनून मजबूत पंख ,
कधि वेग असला उशृंखल ,चंचल ,मनस्वी खळखळणारा ,
तरी शेवट पर्यंत बनून राहीन तुझा किनारा ,
संथ संयत वाहण्यात वाटत असेल आनंद अगर ,
तरी तुला सामावून घेईन बनून अथांग सागर ,
चालताना आले चढ -उतार जर ,काठी बनून देईन आधार जीवनभर ,
गूढ रम्य खोलवर जाऊन वेचायचे असतील मोती ,
तरी मी असेन बनून संरक्षक अन सोबती ,
व्हायचे असेल तुला अंकुरित जेंव्हा ,होईन मी तुझा पोषक ओलावा -उबारा तेव्हा ,
आजीवन देईन साथ श्वास आहे जोवर ,
संस्कारांची धरुन कास ,भर असेल कधी पुढे तर कधी मागे चालण्यावर . 



.