लँड लाईन फोन
नव वर्षाच्या शुभेच्छा देण्या साठी उघडली फोन नंबर ची डायरी ,
पहिला फोन आईला लावला ,क्रॉस कनेक्शन मुळे भलतेच संवाद ऐकून संकोच वाटला अंतरी ,
समजले -सिंहगढावर जाणाऱ्या प्रेमी -युगलांचा मीटिंग पॉईंट ठरला होता धायरी ,
कालच फोनवर भेटलेल्या मैत्रिणीला फोन फिरवला जोशात ,
ऐकावे लागले आपण फिरवलेला नंबर नाही अस्तित्वात ,
अश्या वेळी रिडायल केले की म्हणे नंबर लगेच लागतात ,
तेवढ्यात आला बहिणीचा फोन ,म्हणाली वैतागून ,
अगं केंव्हाचा करतीये फोन ,सारखे म्हणतात नंबर पहा तपासून ,
मार्केटिंग वाल्यांचा मात्र येतो ,ना काळ ना वेळ ,छळतात नुसते फोन वरुन ,
या फोन पाई ,दूध जाते उतू ,पोळीचा होतो पापड ,भाजी जाते जळून ,
वाटते घरांची वाढली अंतरे ,निदान मनांची अंतरे तरी कमी ठेवावीत फोनवर बोलून .
कोणत्याही टिप्पण्या नाहीत:
टिप्पणी पोस्ट करा