स्वयंपाक -शिक्षण -निरीक्षण -परिक्षण
खाणाऱ्याने खाऊन करावे परिक्षण ,प्रोत्साहना साठी ,करणाऱ्याला द्यावी दाद ,
साखरेत घोळवून करावी एखादी सूचना ,सतत नसावी फिर्याद ,
आरोग्यदायी कडू कारले पण कौशल्य वापरून ,बनवता येते छान ,
चाखून ,वाचून ,विचारुन ,तज्ञांचे बघून मिळवता येते ज्ञान ,
शिक्षण परिक्षणा सोबत निरीक्षणाला असते फार महत्व ,चौफेर असावे ध्यान ,
एकदा आजीबाईंनी विचारले !देवातील घंटा फ्रीज मध्ये का ठेवली !हे कोणते नवे विज्ञान ?
म्हणे -सबकुछ मिलानेके बाद एक 'घंटा 'फ्रिज में राखिये ,असे वाचले होते ,म्हणजे पदार्थ होतो छान ,
गमतीचा भाग सोडूया ,पण इच्छा आणि आवड असली तर स्वयंपाका साठी काढता येते सवड ,
कृतीच्या ज्ञाना बरोबर महत्वाची असते साहित्याची निवड ,
एकदा का तरबेज झालात तर ,थोड्या वेगळ्या उपलब्ध साहित्यातून पदार्थ बनू शकतो फक्कड ,
घरच्या जेवणाला तोडच नसते ,पौष्टिक -चविष्ट आणि खर्च ही येई माफक ,
प्रेम -आपुलकिची केली सजावट ,तर अन्न बनते पूर्णब्रह्म -रोचक -पाचक .
कोणत्याही टिप्पण्या नाहीत:
टिप्पणी पोस्ट करा