हात

                      हात 
नवजाताला कुशीत घेणारे आईचे हात ,
आईचा पदर आशेने घट्ट धरणारे बाळाचे हात ,
बाळाला भरवणारे ,हाताला धरून चालायला शिकवणारे ,
हातात पेन्सिल धरायला शिकवणारे ,दमल्या बाळाला कडे घेणारे ,
कौतुकाने गालगुच्य घेणारे ,शाबासकीची थापदेणारे  ,वेळ पडली तर गालावर चापटपोळी ही देणारे ,
दोनचे चार हात झाल्यावर ,जोडीदाराच्या हातात हात सोपविणारे मुलांच्या पालकांचे हातच ,
कर्तृत्व बजावणारे ,दातृत्वाचा वसा घेणारे ,मदतीला धावून जाणारे हातच ,
षडरिपूंच्या आहारी जाऊन ,हात ओले करणारे ,हात धुवून घेणारे ,हातघाईला येणारे ,कुकर्म करणाऱ्याचें व्यर्थ जाई जीवन ,
देशासाठी शीर हातात घेणाऱ्या ,वीरांना मात्र शतदा करूया नमन ,
देवाजींनी दिलेले एक कर्मेंद्रिय ,निरिच्छ सत्कर्मा साठी भाग्यवंतालाच लाभते मोठे मन ,
जगताच्या कल्याणासाठी ,फेर धरुया प्रेमाने ,घेऊन हातात हात ,
जन्मापासून पंचभूतात विलीन होईपर्यंत  ,लागतातच मदतीचे हात ,
देवा !!सन्मती -सदगती येण्यासाठी ,असुदे आमच्या शिरी ,सदैव तुझा आशिर्वादाचा हात .