कोनाचे प्रकार

              कोनाचे प्रकार 
भूमिती चे पुस्तक चाळले तर ,सापडला त्रिकोन ,चौकोन ,षटकोन ,
जंग जंग पछाडून ही ,सापडेना दृष्टिकोन ,
भूमिती एक गणिती प्रकार ,पद्धत वेगवेगळी असू शकते ,पण सर्वांचे असते एकच उत्तर ,
जीवन म्हणजे मिळालेल्या भूमिकेत शिरणे ,असुदे वय पंचवीस ,पन्नास ,पंचाहत्तर ,
प्रत्येकाचे उत्तर वेगवेगळे असू शकते ,कारण व्यक्ती तितक्या प्रकृती ,
अनेकदा एकाच व्यक्तीलाही भूमिके प्रमाणे भिन्न- भिन्न निर्णयाची करावी लागते कृती ,
एकाच गोष्टीच्या ,समजण्या -समजावण्या साठी काढाव्या लागतात ,विभिन्न आकृती .